Historike: Kosova kualifikohet nga vendi i parë

Kosova mundi Qipron 1:0 dhe është kualifikuar në rrethin e ardhshëm për grupmoshat U-17

Përfaqësuesja U17 e Kosovës ka arritur fitore të rëndësishme në kualifikimet për Evropianin 2019 duke e mposhtur Qipron me rezultat 1:0.

Milot Avdyli ishte golashënues i vetëm në këtë takim, për t’ia siguruar Kosovës kualifikimin në raundin elitar për Evropianin U17, përcjell albinfo.ch.

Kosova tani ka gjashtë pikë në pozitën e parë, një më shumë se Skocia në pozitën e dytë, derisa Zvicra numëron katër sosh.

Në takimin e parë, Kosova ishte mundur nga Skocia me rezultat 2:1, derisa në ndeshjet e dytë kishin arritur fitore të madhe ndaj Zvicrës.

Djelmoshat e Besnik Kollarit kanë treguar paraqitje shumë të mirë në këtë turne, dhe Kosova po dëshmon se ka shumë talente në futboll.

---