Hajnat sulmojnë Konsullatën e Kosovës në Cyrih

Ajo që është konstatuar edhe nga policia, është se janë vjedhur pajisjet për video-kontrollim

Natën në mes të të dielës dhe të hënës, persona të panjohur kanë depërtuar në Konsullatën e Republikës së Kosovës në Cyrih. Me këtë rast,  janë vjedhur pajisjet e videokontrollimit, të instaluara në ambientet e Konsullatës, shprehen për albinfo.ch zyrtarët e Konsullatës.

“Në mëngjes kur kemi filluar punën, kemi vënë re gjurmë të dyshimta në zyrë prandaj kemi alarmuar policinë. Pas ardhjes në vendin e ngjarjes, ajo ka ardhur në përfundimin se në lokalet tona ka pasur ndërhyrje nga jashtë. Ajo që është konstatuar është se janë vjedhur pajisjet për video-kontrollim”, thonë për albinfo.ch  zyrtarët e Konsullatës së Republikës së Kosovës.