Hahn,  të hënën në Prishtinë për taksën 100%

Komisari i BE-së për Zgjerim, Johanes Hahn, do të vizitojë Kosovën të hënën.

Arsyeja kryesore e vizitës së tij, siç ka shkruar në llogarinë e tij në Twitter, do të jetë vendimi i fundit i Qeverisë së Kosovës që të vërë tatim prej 100 për qind ndaj mallrave që vijnë nga Serbia dhe Bosnjë e Hercegovina.

Gjatë vizitës në Prishtinë, Hahn do të përsërisë qëndrimin e BE-së se taksën duhet hequr dhe do të flasë për nevojën që të përmirësohen raportet fqinjësore dhe bashkëpunimi rajonal, parime këto ndaj të cilave, sipas BE-së, Kosova dhe shtetet e tjera ballkanike janë përkushtuar.

Komisari Hahn do të takohet me presidentin Hashim Thaçi, me kryetarin e Kuvendit, Kadri Veseli, me kryeministrin Ramush Haradinaj, por edhe me anëtarë të opozitës.