Gruaja
Gülsha Adilji, prezantuesja shqiptare në televizionin zviceran
Gülsha Adilji është gazetare dhe prezantuese e njohur e emisionit "Noiz" në televizionin rinor zviceran "Joiz"
Vite më parë kishte konkurruar në televizionin “Joiz” për redaktore të ueb-it, por u pranua si prezantuese. Tash e pesë vjet ajo është prezantuese e emisioneve në këtë televizion për të rinj.
Gülsha është shumë e pëlqyer te të rinjtë, sa që në vitin 2012 u nderua edhe më çmimin “Newcommerin” (paraqitje e re) e vitit në Zvicër. Ajo po vazhdon me hapa të sigurt për t’u bërë yll mediatik: “Që prej atij çmimi nuk kam fituar asgjë më. Keq. Besoj se duhet të mbes shpejt shtatzënë në mënyrë që të ndodhë diçka e re”, shprehet si më humor Gülsha për gazetën “Tagblatt.ch”, transmeton albinfo.ch.
Adilji është 29-vjeçare nga kantoni Sant Gallen. Më herët ka përfunduar maturën për asistente të Farmacisë, ndërsa më pas ka vazhduar studimet në Cyrih për kulturë popullore dhe studime filmike.
Güelsha është më prejardhje shqiptaro-turke. Babai i saj është shqiptar, ndërsa nëna turke. Në Zvicër ajo nuk ndihet si shembull i integrimit, pasi që vetën e konsideron si vendëse.”Nuk besoj se njerëzit më shikojnë si shqiptare apo si turke, unë ndihem zvicerane, flas dialektin e Zvicrës së lindjes dhe për shumicën para së gjithash jam Gülsha që s’më pushon goja së foluri”, ka thënë ajo.
Edhe pse të dy prindërit i takojnë besimit islam, Gülsha thotë se nuk beson në asnjë fe.
“Unë jam ateiste. Për mua të gjitha fetë janë të parëndësishme. Prindërit e mi janë myslimanë, por megjithatë nëna ime nuk mban shami në kokë dhe ne e pimë verën”.
Emisioni në të cilën punon Gülsha njihet si emision i lirë, spontan dhe pa censurë. Edhe Gülsha njihet si person që bën shumë batuta në emisione dhe tregon barsoleta për ngjarjet që ndodhin apo mbi personat publikë. E për këtë dhunti thotë se ka të trashëguar nga e ëma.
“Nëna ime e ka një humor të çuditshëm. Edhe babi ka humor të mirë, por nuk bën shpesh, sepse në shumicën e rasteve duhet t’i shkojnë në llogari të tij. Gjithsesi ai nuk e ka të lehtë të përballet me katër femra, pasi që unë kam edhe dy motra të tjera”, buzëqesh ajo.
Për të ardhmen Gülsha thotë se ka plane të ndryshme. Në dëshirën e saj është që të jetë pjesë e shout të njohur në Gjermani “Bachelorete”.
E ndoshta një ditë mund ta shohim edhe si prezantuese në televizione të tjera, pse jo edhe në SFR.
E-Diaspora
-
Diskutohet institucionalizimi i mësimit plotësues të gjuhës shqipe në Konfederatën e Zvicrës Zëvendësministrja e Ministrisë së Punëve të Jashtme dhe Diasporës, Liza Gashi, së bashku me ministren e...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?