Gratë fitojnë 13 për qind më pak se burrat

Sektori publik duhet të jetë model në promovimin e pagave të barabarta si për gratë, ashtu edhe për burrat, tha ministri Alain Berset. Qeveria, kantonet dhe komunat duhet të intensifikojnë angazhimin e tyre dhe në këtë mënyrë duhet të japin një sinjal të qartë për të gjithë punëdhënësit e tjerë.

Kjo deklaratë e ministrit vjen pas një studim të ri të Shkollës së Administratës Publike IDHEAP.

Nga 36 administratat në të cilat është kryer inspektimi raportohet se në 13 prej tyre 36 për qind është i theksuar diskriminimi sistematik apo sporadik ndërmjet gjinive.

15 administratat kanë projekte për të promovuar barazinë gjinore. Në anketën online morën pjesë 22 prej 26 kantoneve dhe 47 prej 137 qyteteve me më shumë se 10.000 banorë.

Sipas Zyrës Federale të Statistikave, gratë kanë fituar në sektorin publik më 2012, 13,6 për qind më pak se burrat. Në sektorin privat, hendeku i pagave më 2010 ishte 18.9 për qind. Nga këto rreth 60 për qind mund të shpjegohet me anë të faktorëve objektivë. Në rreth 40 për qind prej rasteve nuk janë të justifikuara arsyet e diskriminimit gjinor.

Hendeku i pagave më 2012 në kantone ka qenë më i madh se në administratën federale dhe në komuna. Dallimet janë atje më të mëdha, ku përqindja e grave është e ulët. Më pak është e theksuar kur gratë e punësuara janë në shumicë.