Gjykohet shqiptari, për vrasjen mizore të gruas

Ai kishte vrarë me 33 therje thike ish bashkëshorten e tij, e cila, sipas dëshmive të reja, ishte rrahur edhe nga dy djemtë saj!

Një shqiptar nga Kosova me qëndrim në Heilbron të Gjermanisë po përballet në Gjyqin e Landit, për vrasjen e të shoqes, të kryer në muajin shkurt.

Sipas padisë, pas një zënke, burri 47 vjeçar ka shpërthyer 33 herë me thikë gruan e tij 44 vjeçare. Pas kësaj ai ka provuar të vritet, duke pirë detergjent për pastrimin e toaletit, shkruan “Heilbronner Stimme”.

Siç ka dëshmuar para trupit gjykues dje një pedagoge sociale nga këshillimorja për femra, gruaja tashmë e ndjerë, vetëm një javë para se të vritej, kishte kërkuar ndihmë në këtë këshillimore.

Pasi që bashkëshorti i saj, kishte kryer me të marrëdhënie intime kundër dëshirës së saj, ai e kishte prej kohësh të ndaluar hyrjen në banesën e gruas. Por, dy djemtë e saj, 16 dhe 18 vjeçarë, po e rrihnin tash nënën e tyre!

Kjo gjendje e kishte shtyrë atë të kërkonte ndihmë në një shtëpi për strehimin e grave. Pedagogia sociale i kishte ndërmjetësuar asaj një bisedë me Zyrën për të rinj, por, pas një jave, ajo kishte parë në gazetë se gruaja që ishte ankuar, tashmë ishte vrarë.

Bashkëshortii, i cili jetonte i ndarë prej saj e kishte gjetur atë në ish banesën e përbashkët dhe e kishte vrarë duke e therur 33 herë me thikë. Pastaj ai kishte provuar të mbyste veten duke pirë detergjentin e wc-së.

47 vjeçari po përgjigjet për vrasje. Ekspertiza psikiatrike nuk ka gjetur te shqiptari nga Kosova asnjë çrregullim psikik, kështu që ai konsiderohet plotësisht i përgjegjshëm. Megjithatë, psikiatri nuk ka mundur ta përjashtonte veprimin e tij në afekt.

Procesi i gjykimit vazhdon në janar.