Tematike
Gjykata vendos: Qeveria ka të drejtë të heqë ndihmat sociale për azilkërkuesit
Ato kantone që nuk deportojnë "sa duhet" azilkërkues, duhet të paguajnë vetë mbajtje e tyre në kanton. Kundër këtij parimi, kantoni Neuchâtel e ka çuar Qeverinë Federale në Gjykatën Administrative Federale - dhe ka dalë humbës
Ato kantone që nuk deportojnë “sa duhet” azilkërkues, duhet të paguajnë vetë mbajtje e tyre në kanton. Kundër këtij parimi, kantoni Neuchâtel e ka çuar Qeverinë Federale në Gjykatën Administrative Federale – dhe ka dalë humbës.
Rregullat në ligjin e azilit janë të qarta: Nëse një refugjat ka aplikuar tashmë për azil në një vend tjetër përpara se të mbërrijë në Zvicër, Zvicra nuk është përgjegjëse për të prandaj kantonet janë të detyruara t’i kthejnë këta njerëz në vendin nga i cili kanë hyrë në Zvicër, transmeton albinfo.ch. Kështu këtë çështje e parashikon edhe Marrëveshja e Dublinit.
Në dy raste, qeveria e Neuchâtelit ka pohuar se kantonet kanë një farë lirie dhe nuk duhet thjesht të kryejnë verbërisht transfertat e urdhëruara nga Sekretariati Shtetëror për Migracionin (SEM), shkruan srf.ch. Në një nga rastet e diskutueshme, kantoni në fjalë nuk ka transferuar një Eritrean në Itali, sepse gruaja e tij, e cila gjithashtu kishte mbërritur në Zvicër, ishte në fazë të avancuar të shtatzanisë.
Rasti i dytë kishte të bënte me një shtetas turk që duhej të transferohej në Bullgari. Ai qe larguar nga qendra e tranzitit dhe kishte bërë dy tentativa vetëvrasjeje.
Në të dyja rastet, SEM kishte anuluar pagesat për ndihmë sociale dhe emergjente për kantonin pas skadimit të afateve. Ky veprim ka qenë legal që nga ndryshimi i ligjit për azilin, gjashtë vjet më parë.
Në vendimin e saj, Gjykata Administrative Federale e bëri të qartë se kantonet nuk kanë fare liri veprimi në këtë pikë. Prandaj, ajo hodhi poshtë ankesat nga kantoni Neuchâtel. Në kohën kur qe ndryshuar ligji i azilit, kantonet frankofone si ai i Gjenevës, Vaudit dhe Neuchâtelit ishin veçanërisht prapa planit (të transferimit të përmendur të azilkërkuesve)
Megjithatë, është e rrallë që fondet të anulohen: në vitin e fundit kjo ka ndodhur në nëntë raste në të gjithë Zvicrën, siç tregojnë statistikat e azilit, përcjell albinfo.ch. Kantonet Vaud, Gjenevë dhe Neuchâtel vazhdojnë të jenë më të prekura. Jashtë tyre kishte vetëm një rast në Basel-Stadt.
Të ngjashme
Të tjera nga Tematike
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta