Lajme
Përdhunuesi nga Kosova që ka mbaruar burgun duhet të mbahet në psikiatri
Gjykata Federale thotë: Ekziston rreziku për kryerje të veprave të mëtejshme penale kundër integritetit mendor dhe fizik të të tretëve
Për të katërtën herë, Gjykata Federale u desh të merrej me rastin e një personi, sot 40-vjeçar, që kishte përdhunuar një grua 23-vjeçare në vitin 2011, në Affoltern am Albis (ZH), transmeton albinfo.ch. Tani është e qartë: autori do të vazhdojë të mbahet në trajtim psikiatrik. Kështu thuhet në vendimin më të ri të publikuar sot nga Gjykata Federale.
Në ankesën e tij i dënuari kërkonte shkarkimin e ekspertit psikiatrik, shkruan sda.ch. Gjykata Federale e hodhi poshtë këtë kërkesë në një vendim të saj, të publikuar të hënën. Vendimi thotë se gjykata nuk ka dyshime rreth ekspertizës së bërë kështu që ajo është e vlefshme.
Tashmë është e qartë se i dënuari (i cili ka mbaruar me kohë dënimin prej 8.5 vjet burgim) duhet të mbahet në trajtim psikiatrik për shkak të tipareve të tij të personalitetit dhe kushteve të përgjithshme të tij të jetesës, transmeton albinfo.ch. Ekziston rreziku për kryerje të veprave të mëtejshme penale kundër integritetit mendor dhe fizik të të tretëve.
Në një ambient sportiv në vitin 2011, autori e kishte detyruar viktimën të kryente akte të ndryshme seksuale me të. Gjatë kësaj kohe ai kishte mbajtur një thikë me një teh të gjatë rreth 12 centimetra, në fytin e gruas, përcjell albinfo.ch. Për këtë ai qe dënuar me tetë vjet e gjysmë burg.
Në moshën 17-vjeçare po ky person kishte vrarë nënën e të dashurës së tij të atëhershme, duke e sulmuar me një thikë në qafë.
Të ngjashme
Të tjera nga Lajme
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani