Integrimi
Gjykata Federale i jep të drejtë kosovarit të dënuar për vrasje
Gjykata e Lartë e Aargaut do të detyrohet të rigjykojë rastin e vrasjes së rëndë të gruas, të kryer në Riniken (AG) nga një kosovar. Kjo duhet të ndodhë bazuar ne vendimin e Gjykatëë Federale
Kosovari 47 vjeçar, në vitin 2009 kishte vrarë me pesë plumba bashkëshorten e tij 35 vjeçare në rrugë, në afërsi të stacionit të autobusit në Riniken. Në qershor të vitt 2013 Gjykata e Qarkut në Brugg e kishte dënuar kosovarin me 20 vjet burg për vrasje të rëndë. Krahas dënimit, atij i qe shqiptuar edhe një masë kujdestarie ambulante psikoterapeutike.
Si dorasi ashtu dhe prokuroria qenë ankuar para Gjykatës së Lartë të Aargaut: Prokuroria kishte kërkuar dënim të përjetshëm dhe masë kujdestarie ndërsa vrasësi kishte ushtruar ankesë se i ishte shkelur e drejta për t`u dëgjuar, transmeton albinfo.ch. Ankesa, në marsin e vitit të kaluar kishte marrë përgjigje negative për kosovarin. Po ashtu negative kishte qenë përgjigja edhe për prokurorinë, e cila për vrasësin kishte kërkuar dënim me burg të përjetshëm dhe masë të kujdestarisë.
Lidhur me këtë vendim, personi i dënuar për vrasje kishte vendosur të ankohej edhe në Gjykatën Federale, si shkalla më e lartë e gjyqësisë në Zvicër.
Arsyetimi i tij ishte se nga ana e gjykatës atij i qe mohuar e drejta për t`u dëgjuar. Sipas tij, qëndrimin e prokurorisë për apelim të vendimit gjyqësor, ai e kishte marrë vetëm pasi ishte hedhur poshtë ankesa nga Gjykata e Lartë. Kjo nënkupton që Gjykata e Lartë atë e kishte trajtuar në mënyrë të pabarabartë në raport me prokurorinë, e cila e kishte marrë përgjigjen para marrjes së vendimit nga Gjykata e Lartë.
Gjykata Federale në vendimin e saj e mbështet pikëpamjen e avokatit të kosovarit, duke vendosur që ta anulojë vendimin e Gjykatës së Lartë dhe ta kthejë lëndën për trajtim të sërishëm në po atë gjykatë, e cila duhet të marrë një vendim tjetër.
Në arsyetimin e vendimit të saj, Gjykata Federale i referohet veç tjerash Konventës Evropiane të të Drejtave të Njeriut. Sipas saj, të dyja palët e një procedure gjyqësore duhet të kenë qasje në të drejtën për t`u dëgjuar. Ky garancion përfshin po ashtu edhe të drejtën për të marrë në dijeni qëndrimet e ardhura nga gjykata dhe për t`u shprehur lidhur me to.
Të tjera nga Integrimi
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?