Gjykata e Lartë e BE-së: Familjet LGBTI njihen në të gjithë Europën

Gjykata e Lartë e BE-së ka vendosur që prindërit e të njëjtit seks dhe fëmijët e tyre duhet të njihen si familje në të gjitha shtetet anëtare.

Në një vendim historik të martën, Gjykata Evropiane e Drejtësisë (CJEU) tha se nëse një vend pranon një marrëdhënie prindërore me një fëmijë, atëherë çdo shtet anëtar duhet të bëjë të njëjtën gjë për të garantuar të drejtën e fëmijës për lëvizje të lirë.

Çështja doli përpara gjykatës pasi autoritetet bullgare refuzuan t’i jepnin një certifikatë lindjeje vajzës së porsalindur të një çifti të të njëjtit seks me bazën se një fëmijë nuk mund të ketë dy nëna.

Bullgarja Kalina Ivanova dhe Jane Jones e lindur në Gjibraltar janë të dyja të regjistruara si nënat e Sarës, e cila ka lindur në Spanjë në vitin 2019.

Por, asnjë prej nënave nuk është me origjinë spanjolle, që do të thotë se shtetësia në atë vend nuk lejohet dhe sipas Aktit të Kombësisë Britanike të vitit 1981, Jones nuk mund t’ia transferojë nënshtetësinë britanike vajzës së saj meqë ajo ka lindur në Gjibraltar.

Mbi këtë bazë, Ivanova kërkoi nënshtetësinë bullgare për fëmijën e saj, që u refuzua prej martesës me të njëjtin seks dhe nuk u njoh ligjërisht në Bullgari.

Si rezultat, Sara mbeti në rrezik për të qenë pa shtetësi, pa mundësi të largohej nga vendi i banimit të familjes së saj, Spanja, si dhe pa dokumente personale, duke kufizuar kështu aksesin e saj në arsim, kujdes shëndetësor dhe sigurime shoqërore.

GJED-ja vendosi gjithashtu që fëmijës t’i lëshohej një pasaportë bullgare. Çështja nuk mund të apelohet.