Muzikë
Gjon Muharremaj, një artist model që frymëzon
“Ndihem si një puzzle i madh që kam pjesë nga çdo vend: Shqipëri, Kosovë dhe Zvicër dhe jam shumë krenar që këto vende nuk më kanë harruar”, thotë ai
Për të prezantuar Gjon Muharremajn, “Gjon`s Tears” nuk duhen shumë fjalë. Mjafton të thuhet se ai zuri vendin e tretë në Eurovizionin 2021, duke i siguruar kështu Zvicrës një sukses pothuajse të paimagjinueshëm në këtë festival. Në fakt, juria profesionale e kishte zgjedhur atë si më të mirin por më vonë, votat e publikut e zbritën për dy vende më poshtë.
Si shumë këngëtarë të njohur sot, edhe Gjon Muharremaj e ka nisur rrugëtimin e tij në muzikë, në një talent show. Në vitin në vitin 2011, në moshën 12 vjeç, garoi në sezonin e parë të talent show-t “Albanians Got Talent”, ku arriti të renditej i treti në finale. Një vit më vonë, ai arriti në gjysmëfinalen e “Die grössten Schweizer Talente”. Ndërsa në vitin 2019, Gjoni mori pjesë në audicionet për sezonin e tetë të “The Voice France” ku arriti në gjysmëfinale.
Për të pushtuar më tej në vitin 2021 skenën evropiane te Eurovision song Contest, ku u rendit i treti. “Jam shumë i lumtur që kam arritur vendin e tretë dhe kam marrë një vlerësim të tillë. Sidomos nga juria”, ka deklaruar ai, i lumtur pas finales, për mediat zvicerane. “Doja t’iu tregoja të gjithëve se mund ta bëj. Për mua, votimi i jurisë do të thotë që unë kam diçka të veçantë”.
Suksesi i madh që ka arritur në vitin që po lëmë pas, nuk e ka tjetërsuar Gjon Muharremajn. Ai thotë se ndihet krenar për faktin që është rritur në gjirin e disa kulturave, duke përmendur kulturën shqiptare, kosovare dhe zvicerane.
“Ndihem si një puzzle i madh që kam pjesë nga çdo vend: Shqipëri, Kosovë dhe Zvicër dhe jam shumë krenar që këto vende nuk më kanë harruar”, u shpreh ai.
“Unë kam lindur në Zvicër dhe aty e kam mësuar gjuhën shqipe. Gjuha shqipe më ka mahnitur, doja ta mësoja. E kam mësuar me mamin, por alfabetin e kam mësuar vetë, me anë të internetit”.
Artisti me origjinë shqiptare, pas suksesit në Eurovision ka nënshkruar një kontratë me një kompani diskografike në Francë, për të filluar punën me një album muzikor që pritet të dalë në treg nga qershori i vitit 2022.
“Jam duke punuar për një projekt, jam duke nënshkruar një shtëpi diskografike në Paris dhe do të shkoj të jetoj dhe të punoj atje. Pritet një album sa më shpejt, nga qershori i viti tjetër”, u shpreh Gjon Muharremaj.
Albinfo.ch, duke e zgjedhur Personalitet të Vitit 2021 vlerëson jo vetëm arritjet e jashtëzakonshme muzikore të artistit të ri por edhe funksionin e tij si model ideal prej të cilit marrin shembull të rinjtë e komunitetit tonë dhe jo vetëm, në rrugën e përmbushjes së ambicieve të tyre.
Të ngjashme
Të tjera nga Muzikë
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?