Parkime mbi trotuare e ndalje të egra në mes të rrugës për muhabet e përshëndetje janë ekskluzivitet i  qytetit për turistë të huaj, pa anashkaluar vaditjen e asfaltit e trotuarit nga shitëse e shitës të dyqaneve në frekuentimet kryesore të rrugëve të qytetit. Parakalime te rrezikshme në vijë të plotë e kthesa që shpesh përfundojnë me fatalitet, janë përditshmëri e zakonshme edhe për policinë e qytetit. Bllokimi i hyrje daljeve  të rrugëve dytësore e atyre private nga ngasës të papërgjegjshëm,  mbesin pa ndëshkime të policisë. Këta të fundit madje nuk e kanë as idenë se si duhet të veprojnë.

Eh, çfarë mund të presim në një vend ku policët ngasin veturat me njerën dorë dhe me tjetrën telefonojnë, kur ndezin dritat emergjente për të mbërritur më shpejt në një restorant apo kur parakalojnë edhe aty ku është e ndaluar e që nuk vendosin thuajse kurrë rripin e sigurisë!?

Unë personalisht jam i tmerruar më këtë që po shoh e më këtë neglizhencë “pune” të institucioneve lokale. Kështu shteti nuk bëhet, edhe po të vijë Zoti!

Për këto tri e me tëper javë sa po që qendroj në Gjilan, nuk kam parë:

të pastrohet qyteti ( të zbrazen shportat e bërllokut) më shumë se një herë në javë!? Nga kjo ndotje e keqe për sy dhe e dëmshme për shëndet, është mrekulli që në këto temperatura të larta, nuk kemi ende përhapje në përmasa të mëdha të ndonjë epidemie.

nuk kam parë asnjëherë patrullë policie në këmbë në rrugën më të frekuentuar të qytetit “Lidhja e Prizrenit” apo aty ku janë të gjitha qendrat e mëdha tregtare!

Nga mesnata e tutje, në këtë aks që lidhë Gjilanin me Preshevën, veturat sportive e tejmase të zhurmshme, kryesisht të  “shacave”, për çdo natë bëjnë gara të rrezikshme me shpejtësi marramendëse. Për qytetarët e këtyre zonave, nuk bëhet më fjalë për një sy gjumë të rehatshëm, por kur po kërset…