Gjermania shtyn ngjarjet e mëdha deri në fund të gushtit

Qeveria gjermane ka thënë se ngjarjet do të shtyhen deri më 31 gusht, si pjesë e masave për të ndaluar përhapjen e koronavirusit.

Koncerte, festivale, panaire tregtare, ndeshje futbolli me turma – këto janë disa nga ngjarjet kryesore në Gjermani të cilat nuk do të lejohen të mbahen përpara verës, për shkak të pandemisë koronavirus.

Kancelarja Angela Merkel bashkë me qeverinë  ranë dakord të mërkurën që ngjarjet e mëdha në Gjermani do të ndalohen deri në fund të gushtit.

Rregulloret konkrete për anulimin e ngjarjeve do të hartohen nga shtetet individuale. Pritet që më shumë informacione të jenë të disponueshme gjatë javëve të ardhshme.

Ndër të tjera, shtyerja do të prek koncerte të mëdha, panaire tregtare, festivale birrash dhe panaire argëtuese.

Ende nuk është e qartë se si do të preken ngjarjet e ardhshme – siç është Oktoberfest i Mynihut, i cili fillon në shtator.

Disa organizatorë tashmë kanë filluar anulimet, përfshirë festivalin Wacken Open Air i cili do të zhvillohej nga 30 korriku deri më 1 gusht, përcjell albinfo.ch

---