Gjermania shton kontrollet në kufijtë me Zvicrën

"Zvicra, jo të gjithë prej tyre mund t'i identifikojë për t‘i ndaluar. Kjo është arsyeja pse ne kemi nevojë për të aplikuar një shkallë të lartë të kontollit ", tha ministri gjerman

Gjermania ka filluar me kontrolle të rrepta në kufirin me Zvicrën. Këtë e ka  konfirmuar ministri i Brendshëm gjerman, Thomas de Maizière. Vendi fqinj shpreson se kjo do të ndalojë emigrantët e paligjshëm nga Italia që të kthehen përsëri në Gjermani.

“Zvicra, jo të gjithë prej tyre mund t’i identifikojë për t‘i ndaluar. Kjo është arsyeja pse ne kemi nevojë për të aplikuar një shkallë të lartë të kontollit “, tha ministri gjerman në një intervistë për gazetën italiane” Corriere della Sera “, përcjell albinfo.ch.

Sipas de Maiziere, numri i refugjatëve të cilët kanë hyrë në mënyrë të paligjshme nëpërmjet Zvicrës në Gjermani, u rrit në korrik me 812.  Në 19 ditët e para të muajit gusht ishin 512 emigrantë të paligjshëm. Këto ishin më shumë se vitin e kaluar, thotë de Maiziere. Por shifrat nuk janë me të vërtetë shqetësuese, pranoi ai.

Sipas NZZ am Sonntag, rritja arrin në 40 për qind në krahasim me vitin e kaluar. Gazeta citon gjithashtu Këshilltarin Federal, Ueli Maurer, i cili njoftoi rritje të prezencës së autoriteteve gjermane në kufijtë zviceranë.