Gjermania kritikon Hungarinë për bllokimin e armëve për Ukrainën

Keystone EPA/PETER LAKATOS HUNGARY OUT

Ministri gjerman i Mbrojtjes Boris Pistorius kritikoi Hungarinë për bllokimin e ndihmës së mëtejshme ushtarake për Ukrainën në një takim të ministrave të Mbrojtjes të BE-së në Bruksel.

Pistorius tha se ishte “pak i zhgënjyer ose i irrituar nga sjellja e miqve të tij hungarezë për bllokimin e ndihmës”.

Masa vjen pasi Ukraina përfshiu bankën më të madhe të Hungarisë OTP në një listë të mbështetësve të pushtimit rus, duke shkaktuar zemërim nga Budapesti, transmeton dpa përcjell albinfo.ch.

Një zëdhënës i qeverisë hungareze deklaroi ”se Hungaria do të refuzonte ndihmën e re ushtarake nëse banka OTP nuk hiqet nga lista”.

Budapesti po bllokon në mënyrë specifike një rritje të Fondit Evropian të Paqes (EPF), një fond ndërqeveritar që rimburson vendet e BE-së që ofrojnë ndihmë ushtarake për partnerët e bllokut.