Integrimi
Gjermania kishte informacione se drejt saj po vinin “300 mijë refugjatë nga Kosova”
Autoritetet gjermane njoftoheshin gjatë shkurtit se deri në fund të vitit Kosovën "mund ta braktisnin deri në 300 mijë veta, që është një e gjashta e popullatës"
Qeveria Federale e Gjermanisë ka qenë me kohë e njoftuar lidhur me fluksin e pritshëm të refugjatëve nga Ballkani po edhe të atyre nga vendet e Lindjes së afërme. Këtë e konfirmojnë burime nga Agjencia për Mbrojtjen e Kufijve të BE-së Frontex, shkruan gazeta “Welt am Sonntag”.
Ajo që është me interes në këtë kontekst është se Ministrisë së Jashtme të Gjermanisë gjatë shkurtit i janë dërguar nga ambasada e tyre në Kosovë paralajmërime me vërejtjen se nga Kosova “për çdo ditë po iknin nga 800-1000 veta (plus shifrat e paregjistruara) për në Gjermani, transmeton albinfo.ch. Ata udhëtonin përmes Serbisë dhe Hungarisë. Dhe siç shkruan gazeta, vlerësohej se “deri ne fund të vitit me këtë trend, Kosovën mund ta braktisnin deri në 300 mijë veta, që është një e gjashta e popullatës”.
Shefi i Frontex-it Fabrice Leggeri kishte njoftuar parlamentarët gjermanë gjatë muajit qershor se në kufirin Turqi-Greqi kishte një rritje prej 550 për qind të numrit të kalimeve ilegale në krahasim me periudhën e njëjtë të vitit të kaluar, përcjell albinfo.ch albinfo.ch. Ai madje në fillim të vitit kishte deklaruar se “burimet tona flasin se në Libi janë të gatshëm ta lëshojnë vendin në mes 500 mijë dhe 1 milion veta. Këto shifra pastaj u janë përcjellë edhe Ministrisë së Brendshme të Gjermanisë dhe zyrës së Kancelares.
Për mosreagimin e institucioneve më të larta gjermane, ato janë bërë së fundi cak i kritikave të shumta nga opinioni dhe mediet.
Të ngjashme
Të tjera nga Integrimi
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?