Gjermani: Kosovari vret gruan e tij në një parking

EPA/THOMAS BANNEYER

Një ngjarje e rëndë raportohet të ketë ndodhur të shtunën në Gjermani, ku një grua 28-vjeçare mbeti e vdekur si pasojë e dhunës së ushtruar në të në parkingut të një shitoreje në Aachen.

Gazeta gjermane “Bild” raporton se disa orë më vonë në Polici u dorëzua 37-vjeçar B.A., bashkëshorti i të ndjerës, i cili dyshohet se e vrau atë.

Kryeprokurorja e Aachenit, Katja Schleknermann-Pitts, deklaroi sot për “Bild” se bëhej fjalë për një çift që ishin ndarë. Ajo ka thënë se nuk dihen ende motivet e vrasjes, transmeton albinfo.ch.

Krimi ka ndodhur rreth orës 19:00 të shtunën mbrëma në sy të klientëve. 37-vjeçari kosovar gjendet në paraburgim që nga e diela.