Lajme
Gjergj Kola: Bashkia e Vjenës do të nderojë “Ambasadorët e Paqes” në vjeshtë
Dorëzimi i mirënjohjeve me titullin “Ambasador të Paqes” do të mbahet në vjeshtë, në Bashkinë e Vjenës pasi të jetë e fituar beteja me pandeminë e koronavirusit
Tetë personalitete të fushave të ndryshme nga Shqipëria, Kosova e Maqedonia e Veriut do të nderohen nga Bashkia e Vjenës me titullin “Ambasadorë të Paqes”. Kjo është bërë e mundur përmes projektit “Friedensprojekt” (Projekti i Paqes) me të cilin ka aplikuar veprimtari i njohur shqiptar në Austri, Gjergj Jozef Kola.
“Projekti quhet Friedensprojekt – Vergangeheitsbewältigung”, një metodë kjo që përdoret me sukses në botën gjermanofolëse për t`u ballafaquar me të kaluarën. Përzgjedhja e këtij projekti nga Bashkia e Vjenës, në mes të qindra projekteve tjera është një nderim që i bëhet komunitetit shqiptar në Austri, komunitet ky i cili është gjithnjë në rritje dhe me një integrim shembullor”, theksoi Gjergj Kola për Albinfo Austria.
Qëllimi i këtij projekti është që të sjellë së bashku shkrimtarë, poetë, njerëz të shoqërisë civile, të cilët ofrojnë përvojat e tyre me paqen dhe prosperitetin. “Kështu përhapim një kulturë të paqes, larg kulturës së tallava që përpiqet pa asnjë të drejtë të na përfaqësojë sot në botë e aty këtu mbështetet edhe nga institucionet tona”, thotë ai.
Gjergj Jozef Kola thotë se të gjithë këto personalitete janë emra të merituar:
“Greta Bardeli Gjoni, profesoreshë në Universitetin e Shkodrës; kryetare e Këshillit të Qarkut në Shkodër, e bija e multisportistit, Zef Gjoni. Arjeta Kokalari, profesoreshë, drejtuese e Muzeut “Musine Kokolari” në Gjirokastër. Vlora Ademi, gazetare dhe poete nga Kosova e cila harmonizon letërsinë dhe aktivitetin e saj shoqëror në mënyrë shembullore. Një tjetër grua e përzgjedhur ndër këta personalitete është edhe Diana Toska, aktiviste shoqërore dhe poete nga Shkupi. Është gjithnjë aktive në mbrojtje të të drejtave dhe artit të gjuhës shqipe në Maqedoninë e Veriut. Pjesë e “Ambasadorëve të paqes” është edhe meshtari Vlash Palaj, drejtues i institucionit më të madh të kultit, të kombit shqiptar në Ballkan, Katedrales së Shkodrës, pastaj Hazir Mehmeti, mësues i gjuhës shqipe në Austri; kryetar i Lidhjes së Shkrimtarëve Shqiptarë në Austri; autor i veprave të ndryshme. Ai është një nderim për kulturën dhe paqen shqiptare në botë. Aty janë edhe emrat e Xhenc Bezhit, poet, dramaturg dhe prozator si dhe Abedin Krasniqi shembull i paqes dhe letrave shqipe”, theksoi Kola.
Dorëzimi i mirënjohjeve me titullin “Ambasador të Paqes” do të mbahet në vjeshtë, në Bashkinë e Vjenës pasi të jetë e fituar beteja me pandeminë e koronavirusit. Ky manifestim është pjesë e programit të “Kulturës së paqes” ku do të jenë të ftuar edhe gjashtë shkrimtarë që do të flasin për krijimtarinë e tyre. “Të mundohemi të përcjellim mesazhin e nënës së madhe të kombit shqiptar, Nënës Tereze, e cila thoshte: Të bëjmë gjëra të vogla me dashuri të madhe”, nënvizon ai.
Gjergj Kola ka mbaruar studimet e Larta Pedagogjike në Eggenberg – Graz, ndërsa mbi 20 vjet jep mësim në shkollat vjenezë. Ai është autor i mbi 40 dramave, 12 romaneve, dhjetëra tregimeve, poezive, eseve të botuara dhe të vendosura në skenë.
E-Diaspora
-
Kosovari para gjyqit, ka sulmuar çiftin homoseksual I akuzuari i goditi ata në duar dhe i quajti, ndër të tjera, “homo të neveritshëm”...
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
Jeta në Austri
-
Çfarë është e hapur dhe çfarë është e mbyllur në “Ditën e Ngjitjes” në Austri? Të enjten është Dita e Ngjitjes, ose Christi Himmelfahrt në gjermanisht, një nga shumë festat publike...
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?