Gardiania liron të burgosurin dhe arratiset bashkë me të!

Ajo e ka liruar të burgosurin nga qelia e tij rreth mesnatës së mbrëmshme. Ka informacione se së bashku me të burgosurin është arratisur edhe gardiania dhe të dy tashmë ndodhen jashtë shtetit

Një gardiane e burgut (Angela  Magdici) në Dietikon të Cyrihut (Limmattal) e ka ndihmuar nje të burgosur sirian për të ikur nga burgu. Jo ka ndodhr në natën në mes të hënës dhe të martës, njoftojnë mediet zvicerane. Ende nuk dihet nëse gardiania 32 vjeçare ka pasur lidhje intime me sirianin 27 vjeçar (Hasan Kiko) por mediet shkruajnë për një «afërsi» në mes tyre.

Sipas njohurive të para që dalin nga një komunikatë e Zyrës për institucionet korrektuese (burgjet) të Kantonit të Cyrihut ajo e ka liruar të burgosurin nga qelia e tij rreth mesnatës së mbrëmshme, transmeton albinfo.ch. Ndërkohë bëhet e ditur se ka informacione se së bashku me të burgosurin është arratisur edhe gardiania dhe të dy tashmë ndodhen jashtë shtetit.

Siç shkruajnë mediet zvicerane, Angela është marrë herë pas here në mënyrë aktive me boks.

Personi që ka ikur nga burgu po e vuante dënimin prej katër vitesh burg për përdhunim seksual, por dënimi ende nuk ishte bërë i plotfuqishëm.

Policia e Kantonit të Cyrihut ka urdhëruar ndjekje për të d personat.