Integrimi
Gani Demi, kandidat për ekzekutivin e komunës Unterseen, Bernë
![](https://www.albinfo.at/wp-content/uploads/2016/04/ganiu-demii-361x396.jpg)
Partia Socialdemokrate e Zvicrës për regjionin Unterseen, kantoni i Bernës ka shpallur kandidaturat e katër veprimtarëve të saj për ekzekutivin e komunës. Zgjedhjet do të mbahen më 25 shtator të këtij viti. Në mesin e tyre është edhe shqiptari nga Kosova, aktivisti i njohur i diasporës shqiptare, Gani Demi.
Lista e kandidatëve, siç shkruajnë mediat lokale, (Jungfrauenzeitung etj.) është përpiluar në mënyrë të qëlluar, duke bërë përfshirje të duhur të profesioneve, gjinive dhe moshave, tranmseton albinfo.ch.
Vetëm njëra nga kandidatet, Verena Roder Beer ka qenë edhe deri tash, (që nga viti 2009) në ekzekutivin e komunës, ku ajo mbulon resorin e sigurisë. Tre të tjerët, përfshirë edhe Gani Demin, kandidojnë për herë të parë.
Gani Demi në Kosovë ka mbaruar fakultetin e Ndërtimtarisë. Ai është me prejardhje nga Gjilani. Nga viti 1986 ai jeton në Zvicër bashkë me familjen ndërsa nga viti 1999 e ka edhe shtetësinë zvicerane.
Këtu ka punuar si mjeshtër ndërtimi dhe ka qenë edhe në kryesinë e sindikatës Unia për Berner Oberland, përcjell albinfo.ch. Për shkak të një aksidenti atij i është dashur të ndërpriste punën dhe sot është pensionist.
Ai është baba i pesë fëmijëve të rritur dhe gjysh i dy nipërve.
Demi ka qenë aktivist i njohur dhe anëtar kryesie i Degës së LDK-së për Zvicër.
Në Zvicër, në komuna të ndryshme tashmë ka një numër të konsiderueshëm anëtarësh shqiptarë të asambleve. Disa, por dukshëm më pak, janë zgjedhur edhe në parlamentet e kantoneve. Por, deri tash asnjë prej tyre nuk ka mundur të zgjidhet në ekzekutiv të ndonjë komune, gjë që paraqitet më e vështirë, kur dihet se aty mund të jenë 5 deri maksimalisht 7 anëtarë.
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë