Fushatë e re informimi për AIDS-in

Fushata për parandalimin e infektimit me virusin Hiv “Stop AIDS” ka mbushur në Zvicër 25 vjet. Zyra Federale për Shëndetësi ka vendosur që fushata të marrë edhe një hov të ri dhe përmbajtje të re.

Tema e fushatës së re “Love-Life-Aktion” fokusohet në informimin e partnerëve. Njerëzit do të vetëdijesohen për tu informuar më mirë nga personat kompetentë për sëmundjet venerike që mund t`i kenë. Me sloganin si “Thuaje, si të duash, por thuaje”, do të sensibilizohen të sëmurët që t`ua sqarojnë partnerëve të tyre seksualë diagnozën që e kanë.

Sipas Zyrës Federale të Shëndetësisë, Zvicra është vendi i vetëm i cili që nga viti 1987, për çdo vjet  ndërmerr fushatë për informimin mbi pasojat e AIDS-it.