Franca, me leje dixhitale të Covid-19 për udhëtarët që zgjedhin Air France

Franca do të provojë një leje dixhitale të Covid-19 për udhëtarët me transportuesin ajoror Air France, duke filluar një provë njëmujore për disa fluturime, sipas ministrit të Transportit, Jean-Baptiste Djebbari.

Linjat ajrore të goditura nga kufizimet e udhëtimit po bëjnë presion të fortë për një standard global që do të siguronte pasagjerët mbi rreziqet e ngjitjes në bord dhe përshpejtonte një rimëkëmbje eventuale për sektorin.

Për fluturimet e Air France në territoret e Karaibeve Franceze të Martinique dhe Guadeloupe, udhëtarët do të duhet të paraqesin një aplikacion telefonik që tregon ose një certifikatë vaksinimi ose një test të fundit negativ Covid.

Sistemi do të kërkonte partneritete me objektet e testimit që do të siguronin provën dixhitale, raporton The Guardian, përcjell Albinfo.ch.