Lajme
Floktarët shqiptarë në Austri i gëzohen rihapjes së dyqaneve
Të shtunën në Austri jo vetëm që janë hapur të gjitha dyqanet dhe qendrat tregtare, por edhe floktarët . Albinfo Austria ka vizituar disa dyqane floktaresh me pronarë shqiptarë në Vjenë.
Pas afro 6 javësh mbyllje nga pandemia e koronavirusit, të shtunën të gjitha dyqanet, qendrat tregtare dhe sallonet e bukurisë u hapën sërish. Rreshta të gjatë njerëzish janë parë duke pritur me radhë gjatë ditës së sotme në qendrat tregtare, veçanërisht në dyqanet e salloneve të mobileve shtëpiake.
Shumë klientë me padurim e kanë pritur edhe rihapjen e salloneve të floktarëve, të cilët ishin detyruar të respektojnë rregullat e qeverisë për të mos i shkurtuar flokët.
Që nga orët e hershme të mëngjesit me dhjetëra njerëz ishin duke pritur para sallonit të flokëve “Ludi” në Vjenë, i cili udhëhiqet nga pronari shqiptar Mevludin Rexhepi në qarkun e 10-të.
“Që dy muaj nuk i kam shkurtuar flokët. Nuk e mbaj mend që ka kaluar kaq gjatë pa u qeth”, tha për Albinfo Austria njëri nga klientët, i cili priste në radhë.
Ndërkohë për Mevludin i njohur si Ludi, ishte një gëzim i madh që pas një pauze të gjatë, po e rihap biznesin e tij. “Është një gëzim i madh që po i kthehemi jetës normale dhe që kemi mundësinë të hapim dyqanin tonë dhe të punojmë me biznesin tonë. Gjatë tërë ditës kemi pasur shumë punë. Ka pasur numër të madh të klientëve që është dashtë të presin jashtë në radhë. Ata kanë pasur durim dhe kanë respektuar rregullat e qeverisë së Austrisë”, shprehet ai.
I lumtur për rihapjen e dyqanit të tij ishte edhe Burim Ahmeti, pronar i sallonit të flokëve “Friseur Driti”, i cili gjendet në qarkun e 4-të.
“Ne zakonisht punojmë me terminë. Prej fillimit të javës kemi pas telefonata për rezervime. Zakonisht nuk punojmë gjatë ditëve të shtune, por për shkak të kërkesave të shumta, sot bëm përjashtime”, thotë Burimi. “Na kishte pas marr malli me u taku prapë me klientët tanë, por natyrisht t’i kthehemi edhe punës dhe profesionit tonë”, tha ai për Albinfo Austria.
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte