Fitohet “Jackpoti” 580 milionë dollarësh në SHBA

Dy qytetarë amerikanë ishin me fat kësaj here dhe do ta ndajnë fitimin e dytë më të lartë në historinë e lojërave të fatit në SHBA

Amerikanët ishin sërish në ethe të lojërave të fatit.  Para të mërkures janë shitur 130 mijë tiketa për minutë për fondin e mbledhur prej 580 milionë dolarrësh. 

Dy qytetarë amerikanë ishin me fat kësaj here dhe do ta ndajnë fitimin e dytë më të lartë në historinë e lojërave të fatit në SHBA.

Të dy tiketat me numrat  fitues 5,6,22,23 dhe 29  janë shitur në shtetet e Arizonës dhe Misurit, ka bërë të ditur “Powerball Lottery” të enjten.

Mega Jackpot-i në vlerë 480 milionë eurosh, më i madhi i të gjitha kohërave në SHBA ishte fituar në mars të këtij viti. Tre fituesit e kishin ndarë shumën e fituar në loto.