Integrimi
Fitimi dhe Volkani vdesin në makinë, të ngufatur nga gazi
Presidenti i posazgjedhur Johann Schneider-Ammann dhe ish-presidentja, Simonetta Sommaruga kanë qenë në vendin e ngjarjes, në Langenthal, duke ngushëlluar familjarët dhe të tjerët
Dy djem të rinj 19 dhe 20 vjeçarë kanë gjetur vdekjen në makinën e njërit prej tyre, në garazhin e tij, në Langenthal të Kantonit të Bernës. Bëhet fjalë për Fitim D., shqiptar nga Gjilani dhe shokun e tij Volkan, me prejardhje turke.
Sipas policisë, ata kanë vdekur si pasojë e gazit që ka kapluar makinën ku ata ishin duke ndenjur dhe duke dëgjuar muzikë.
Siç tregon për albinfo.ch një burim që i ka njohur të dy të ndjerët, vdekja ka ardhur pasi që dy të rinjtë e kanë ndezur makinën për t`u ngrohur dhe ndërkohë i ka zënë gjumi ose janë molisur deri në paaftësi për të reaguar.
Askush nuk e di se sa kanë qëndruar ata në makinë dhe se kur ka ndodhur vdekja, por familjarët i kanë gjetur viktimat pasditen e vonë, kur në makinë ishte shpenzuar e gjithë benzina.
Megjithatë, policia ende nuk ka mundur të japë ndonjë version zyrtar për mënyrën se si ka ndodhur vdekja e dy të rinjve.
Burimi thotë se i riu shqiptar, Fitimi pritet të dërgohet nesër për t`u varrosur në vendlindje.
Ai thotë se të dy djemtë kanë qenë shumë të urtë dhe kanë pasur sjellje shembullore.
Ndërkohë mediet njoftojnë se edhe Këshilli Federal (qeveria e vendit) ka shprehur pikëllimin për vdekjen e dy të rinjve. Presidenti i posazgjedhur Johann Schneider-Ammann dhe ish-presidentja Simonetta Sommaruga kanë qenë në vendin e ngjarjes, në Langenthal, me ç`rast kanë ngushëlluar familjarët dhe të tjerët për tragjedinë e rëndë.
Të tjera nga Integrimi
E-Diaspora
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi Familjarë të Sadik Durakut nga Kosova, i ndaluar në Serbi qysh më 17 prill, thonë se...
-
Dy filma shqiptarë në Festivalin Ndërkombëtarë të Filmit në Gjenevë
-
Ardon Jashari largohet përfundimisht nga Lucerni
-
Liverpuli kërkon mbrojtësin shqiptar që luan në Gjermani
-
Berlin
Ansambli “Shota” fiton çmim në Karnavalin e Kulturave 2024 në Berlin
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi