FIFA ndërton muze futbolli në Cyrih

Federata Botërore e Futbollit (FIFA) me seli në Cyrih dëshiron të ndërtojë një muze futbolli

Përveç ndërtesës  ekzistuese, FIFA planifikon ndërtimin e një objekti tjetër, i cili do të jetë i hapur për publikun.

“Është koha që për miliona tifozë të futbollit të ofrojmë një takim,” tha presidenti i FIFA-s, Joseph Blatter. Konretisht është fjala për një muze futbolli me animacione 3D, lojra interaktive, trofe dhe çdo gjë që dëshiron zemra e një tifozi të futbollit.Investimi do të arrijë në rreth 180 milionë franga. Përveç muzeut do të ketë një lokal për fëmijë. Me këtë edhe numri i vendeve të punës në selinë e FIFA-s do rritet nga 380 deri në 500.

Tashmë FIFA ka njoftuar autoritetet e Cyrihut për projektet e zgjerimit dhe është në pritje të vendimit.