Festivali i aventurës në Shqipëri

Të pasionuarit pas sporteve të natyrës do të mund të provojnë emocione të papara në një prej zonave më të bukura të Shqipërisë

Nga 29 prill deri më 1 maj do të mbahet “South Outdoor Festival”, që do të mbahet për herë të parë në Shqipëri, njofton albinfo.ch.

 

Ky festival do të përfshijë aktivitete të ndryshme sportive si: ecje apo çiklizëm malor, ngjitje, parashutizëm, zhytje në det, e deri tek “yoga”.

 

Krahas aktiviteteve sportive vëmendje do të marrë panairi i produkteve artizanale, ndërsa gjatë 3 ditëve të festivalit do të ofrohet ushqim tradicional i zonës, për t’i shtuar jugut krahas bukurive natyrore edhe vlerat e kulinarisë.

 

“Nga data 29 Prill deri më 1 maj. Jetoni tre ditë të mbushura me aktivitete si hiking, mountain bike, scuba diving, paragliding. Shijoni gatime tradicionale, DJ, isopolifoni në Këndin e Miqësisë nga birra Elbar dhe të dielën më 30 prill muzika më e mirë nga Eugent Bushpepa”, thuhet në njoftimin e faqes zyrtare në “Facebook”.

 

Të pasionuarit pas sporteve të natyrës do të mund të provojnë emocione të papara në një prej zonave më të bukura të Shqipërisë.

 

Fshati Pilur i Himarës do të bëhet mikpritës i më shumë se 1000 mysafirëve nga i gjithë vendi, të cilët do të jenë pjesëmarrës në “South Outdoor Festival”.

 

Ky Festival ka për qëllim që të promovojë bukuritë e Shqipërisë, jo vetëm plazhin, por edhe malet e bukura.

 

---