Festivali i 60-të i deleve u mbajt të dielën në Gemmi

Ky aktivitet u organizua për herë të parë në vitin 1957 nga barinjtë e Valais-it për të shënuar gjysmën e sezonit të kullotave. Delet zbresin në luginë në mes të shtatorit

Keystone

Festivali i 60-të i deleve u mbajt të dielën në Gemmi, një luginë që gjendet mes kantonit të Bernës dhe Valais. Ngjarje e veçantë ishte shpërndarja e të ashtuquajturit “Glack”, një përzierje e veçantë drithërash, pranë rreth 700 deleve. Vizitorët ndërkohë kanë pasur mundësi të shijojnë që nga agimi “mëngjesin e barinjve”, pas së cilit një shërbim fetar ofrohej në Liqenin Daubensee. Festimet e tjera, siç ishin hedhja e flamurit ose tërheqja me litar, e gjithë kjo me muzikë tradicionale, ngjyrosën me hare këtë ditë festive.

Festivali i deleve është një takim miqësor mes Valais dhe Berne Oberland, i cili bashkon shumë fermerë dhe barinj. Shkëmbimet bëhen zakonisht rreth ushqimit me djathë “Raclette”, salçiçe dhe mish të thatë.

Ky aktivitet u organizua për herë të parë në vitin 1957 nga barinjtë e Valais-it për të shënuar gjysmën e sezonit të kullotave. Delet zbresin në luginë në mes të shtatorit. Që nga viti 1958, ngjarja është organizuar nga Valais dhe fermerët e Bernës.