Bota
Fëmijët në duar të ISIS-it, babai ende me shpresa
Tashmë babai 37 vjeçar ka udhëtuar në Irak, me shpresën se do të arrijë të hyjë në Siri dhe t’i marrë fëmijët e vet
Para katër vjetësh, Rashida, gruaja e Bashir Shikder (nga Bangladeshi), mori dy fëmijët e saj dhe udhëtoi për në Siri për t’iu bashkuar ISIS-it, duke shpërfillur ankthin dhe lutjet e burrit të saj për t’u kthyer në shtëpinë e tyre në Florida, raporton ‘The Guardian’, transmeton Alsat-m.
Pasi dëgjoi se gruaja e tij ka vdekur dhe se fëmijët e tij, Yusufi nëntë vjeçar dhe Zahra pesë po mbahen nga xhihadistët, Bashiri udhëtoi për në Irak me shpresën se do të mundë ta kalojë kufirin në Siri dhe t’i shpëtojë fëmijët.
“Yusufi im, Zahra ime, ata janë vetë jeta ime. Ajo që më bie ndër mend është se si vraponte, si luante me Lego. Ndërsa Zahra, ajo ishte e qetë, e urtë. Dhe ajo që më kujtohet, është buzëqeshja e saj e bukur”, kështu i kujton fëmijët e tij Bashir Shikder, që tashmë kanë mbetur në duar të ISIS-it, përcjell albinfo.ch.
Në vitin 2015, Shikder shkoi për pelegrinazh në Mekë. Prej aty, gruaja e tij Rashida, i mori dy fëmijët, djalin atë kohë pesë vjeç dhe vajzën nëntë muajshe dhe shkoi në Siri për t’iu bashkuar ISIS-it.
Në janar të këtij viti, Rashida u vra gjatë një sulmi, kurse fëmijët mbetën me lëndime serioze.
Tashmë babai 37 vjeçar ka udhëtuar në Irak, me shpresën se do të arrijë të hyjë në Siri dhe t’i marrë fëmijët e vet.
“E kam një shpresë të madhe se do të mund t’i takoj fëmijët e mi, t’i përqafoj dhe t’i marr me vete”, ka thënë ai.
Të ngjashme
Të tjera nga Bota
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri