Shkurt.ch
Fedpol: Viti 2015, një vit i suksesshëm në luftimin e krimit
Gjatë vitit të kaluar nga Fedpolidhe Shërbimi Nacional i Informimit (NBD) janë përpunuar më shumë se 70 raste, dhe për rreth 60 prej tyre janë iniciuar procedura penale
Në raportin vjetor që ka publikuar sot Fedpol (Policia Federale) ka vënë theksin veçmas në bashkëpunimin dhe koordinimin e vet përmes task-Forcës Tetra, e cila i bën bashkë të gjithë faktorët nacionalë dhe kantonalë të sigurisë. Dhe sipas komunikatës së dërguare nga Fedpol-i, ky bashkëveprim e ka dëshmuar veten. Gjatë vitit të kaluar nga Fedpolidhe Shërbimi Nacional i Informimit (NBD) janë përpunuar më shumë se 70 raste, dhe për rreth 60 prej tyre janë iniciuar procedura penale.
Më tutje në komunikatë thuhet se, me iniciativën e task forcës Tetra gjatë vitit të kaluar është intensifikuar dukshëm lufta kundër terrorizmit. Në këtë kontekst ka shumë rëndësi shkëmbimi i informacioneve në nivel ndërkombëtar , thuhet në raportin për të cilin shkruan albinfo.ch. Ndër rastet ilustruese për këtë angazhim të shtuar, përmendet ai i irakianit të dënuar për terrorizëm islamik në mars të këtij viti nga Gjykata Penale Federale. Për këtë rast qe ngritur një trupë hetuese në bashkëveprim me FBI-në, e cila solli në arritjen e shpejtë të suksesit.
Kriminaliteti në internet (cyber-kriminaliteti) ka pasur gjatë vitit 2015 një rritje të theksuar. Fedpol gjatë vitit të kaluar ka marrë 11 mijë denoncime për delikte të kryera në internet, që është numri më i madh deri tash. Në këtë listë më së larti janë përgjimet dhe shitja online e mallrave të falsifikuara.
Fedpol-i ka konstatuar gjatë vitit 2015 një profesionalizim të bartësve të kriminalitetit në internet. Mashtruesit online po i kryejnë aktivitetet e tyre kriminale gjithnjë më profesionalisht dhe në mënyrë më të organizuar. Por edhe këtë zhvillim, autoritetet zvicerane të sigurisë po përpiqen ta luftojnë përmes bashkëpunimit ndërkombëtar, kryesisht me Europolin.
Numri i denoncimeve në lidhje me larjen e parave po ashtu ka shënuar rritje të madhe. Gjithsej janë bërë 2367 denoncime, që është 35 për qind më shumë se në vitin paraprak.
Ashtu sikurse edhe në segmentet tjerë, në atë të financimit të terrorizmit, Fedpol-i gjatë vitit 2015 ka regjistruar një numër të rritur të rasteve. Kanë qenë gjithsej 38 njoftime të tilla që në krahasim me një vit më parë, kur kanë qenë vetëm 9 sosh, paraqet një rritje të madhe. Megjithatë Fedpoli konstaton se rastet e financimit të terrorizmit në Zvicër kanë një rol të dorës së dytë
Të tjera nga Shkurt.ch
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?