FC Albania Zürich feston 15-vjetorin e themelimit

Jubileu do të organizohet pas ndeshjes së kampionatit ndërmjet FC Albania Zürich dhe FC Kosova 2, e cila do të zhvillohet duke filluar nga ora 10:00 në Katzenbach, Platz 1 në Zürich

FC Albania Zürich do të shënojë 15-vjetorin e themelimit të klubit me një aktivitet festiv që do të mbahet të dielën, më 21 qershor 2026, në Zürich.

Jubileu do të organizohet pas ndeshjes së kampionatit ndërmjet FC Albania Zürich dhe FC Kosova 2, e cila do të zhvillohet duke filluar nga ora 10:00 në Katzenbach, Platz 1 në Zürich.

Pas ndeshjes, klubi do të organizojë një fest me pjesëmarrjen e lojtarëve, anëtarëve, sponsorëve, miqve të klubit dhe përfaqësuesve të komunitetit shqiptar në Zvicër, shkruan albinfo.ch.

Me rastin e këtij përvjetori të rëndësishëm, FC Albania Zürich ka ftuar edhe përfaqësues të ambasadave dhe konsullatave shqiptare e kosovare për të qenë pjesë e kësaj dite sportive dhe festive.

Klubi shpreson që ky jubile të shërbejë si një mundësi për të kujtuar rrugëtimin 15-vjeçar, sukseset sportive dhe kontributin e FC Albania Zürich në promovimin e futbollit dhe komunitetit shqiptar në Zvicër.

FC Albania Zürich – FC Kosova 2
E diel, 21.06.2026, ora 10:00
Katzenbach, Platz 1, Zürich

---