Familjet e tre viktimave në Bllacë kërkojnë dëshmitarë për zbardhjen e aksidentit

Familjet e tre viktimave të aksidentit të rëndë që ndodhi pranë pikës kufitare Bllacë, në Maqedoninë e Veriut, kanë bërë apel publik për ndihmë nga qytetarët që mund të kenë informacione lidhur me ngjarjen.

Në aksidentin e datës 18 korrik 2026 humbën jetën Fatmire Shabani, Ejup Ternava dhe Cennet Ternava. Familjarët e tyre kanë kërkuar që çdo person që ka qenë dëshmitar i aksidentit, ka parë diçka të dyshimtë para përplasjes, apo ka kaluar në atë zonë gjatë datave 16, 17 dhe 18 korrik, të kontaktojë dhe të ndajë çdo detaj që mund të ndihmojë në zbardhjen e plotë të rrethanave.

Sipas familjarëve, edhe informacioni më i vogël mund të jetë i rëndësishëm për të kuptuar më qartë se si ka ndodhur aksidenti dhe për të ndihmuar në hetimin e rastit.