Lajme
ETH, universiteti më i mirë në botë jashtë SHBA-së dhe Britanisë së Madhe
Në ranglistën më të re të bërë nga Magazina “Times Higher Education” (THE), ky institucion i lartë i dijes është radhitur në vendin e 13-të në botë
Universiteti Teknik i Cyrihut, i njohur me shkurtesën ETH (Shkolla e Lartë Federale Teknike) prej shumë vitesh radhitet në vazhdimësi në mesin e universiteteve më cilësore në botë.
Në ranglistën më të re të bërë nga Magazina “Times Higher Education” (THE), ky institucion i lartë i dijes është radhitur në vendin e 13-të në botë, shktuan sda.ch.
Mirëpo, ajo që duhet të theksohet me këtë rast është fakti se ETH sipas kësa rangliste del universiteti më i mirë në botë jashtë zonës së SHBA-së dhe Britanisë së Madhe, transmeton albinfo.ch. Është e ditur ndërkaq se universitetet nga zona e përmendur dalin gjithmonë shumë më superiore me ato të rajoneve të tjera të botës, në çdo rangim që bëhet.
Megjithëkëtë, kjo radhitje është për dy vende më e dobët se ajo e arritur në ranglistën e bërë vitin e kaluar nga po kjo magazinë. Atëbotë ETH ishte në vendin e 11-të. Shkak për këtë “rrëshqitje” të vogël të këtij universiteti ka qenë përmirësimi i cilësisë i konstatuar ndërkohë në disa universitete të SHBA-së.
Vendin 13-të ETH e ndan me universitetin e njohur amerikan Berkley.
Në mesin e 100 universiteteve më të mira të botës janë edhe tri universitete zvicerane. Si zakonisht më së miri radhitet universiteti tjetër teknik zviceran, ai i Lozanës (EPFL), i cili kësaj here ka zënë vendin e 38, përcjell albinfo.ch. Ndërsa në Top 100 janë edhe Universiteti i Cyrihiut, në vendin e 90-të dhe ai i Bazelit, në vendin e 94-t.
Ashtu sikurse edhe në tri vitet e kaluara, lista kryesohet nga Universiteti Oxford në Mbretërinë e Bashkuar. Në vendin e dytë vjen California Institute of Technology në SHBA ndërsa në të tretin, Universiteti i Kembrixhit, po ashtu i Mbretërisë së Bashkuar.
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë