Është vrarë islamisti nga Zvicra

Një islamist radikal që më parë jetonte në Dudingen të kantonit Freiburg, sipas të gjitha gjasëve është vrarë nga një sulm helikopterësh pa pilot në Pakistan.

Gjihadisti me emrin Moez Garsallaoui ishte bërë i njohur me forumet islamike që i shpërndante përmes internetit nga Zvicra. Vrasjen e tij e ka bërë të ditur organizata amerikane e specializuar për mbikëqyrjen e faqeve islamiste të internetit SITE.

Garsallaoui ishte dënuar më parë me burg nga një gjykatë zvicerane për faktin se ai përmes internetit bënte thirrje për dhunë. Në forumet e tij ai tregonte veç tjerash filma propagandistikë me heqje kokash.

Megjithatë ky pjesëtar i organizatës luftrake islamike “Lufta e Shenjtë”  kishte arritur të ikte nga Zvicra në Pakistan.