Erdajt Sopjani, i pari në “Wavecation”, i lexon sinjalet në tru

Erdajt Sopjani programoi një pajisje të thjeshtë që e bën të mundur leximin e sinjaleve elektromagnetike në tru.

E për projektin e emëruar “Wavecation” u shpërblye me çmimin e parë në mesin e 300 pjesëmarrësve nga e gjithë bota në “Tourism Technology Festival 2.0” në Salzburg të Austrisë, raporton Klan Kosova, përcjell Albinfo.ch.

Sopjani tha se kjo pajisje nuk ka kufizime sa i përket përdoruesit, madje funksioni i saj shkon edhe më larg.

Ndihmon edhe një fushë jetike të secilit vend, ani pse i duhen edhe ca shtesa.

Kur e prezantoi në fillim, kjo nuk iu duk fort e besueshme jurisë, ani pse pjesë e kësaj gare ishin kokat më të ndritura të moshave të reja për teknologji.

Vitin e kaluar, 17-vjeçari mori pjesë në një tjetër garë në Shqipëri, ku po ashtu u zgjodh më i miri, ndërkaq tani është duke punuar për sistemin e detektimit të lajmeve të rreme./Albinfo.ch