Erb mund të dënohet me 10 vjet burg

Ndërmarrësi Rolf Erb, sipas palës paditëse në procesin e falimentimit të kompanisë së njohur “Erb” do të duhej të dënohej me dhjetë vjet burg. Atij po i zhvillohet një gjykim në Gjykatën e Qarkut, në Winterthur, ku ka qenë edhe selia e kompanisë.

Prokuroria e ngarkon Erb-in 60 vjeçar me veprat si mashtrim sistematik, falsifikim dëshmish dhe për dëmtim besimi. Ai ka maskuar për vite të tëra futjen në borxh të kompanisë Erb. Për të bërë këtë, Erb u ka dorëzuar bankave bilance të manipuluara.

Kompania e madhe, në pronësi familjare Erb, kishte falimentuar në vitin 2003, duke lënë pa punë rreth pesë mijë persona në gjithë botën.