Lajme

Elon Musk: U përpoqa të shes Teslan tek Apple

Elon Musk ka thënë se ai kontaktoi Tim Cook-un e Apple “gjatë ditëve më të errëta të programit Model 3” për të diskutuar mundësinë që Apple të blejë kompaninë e makinave elektrike Tesla për “1/10-ën e vlerës sonë aktuale … Ai [Cook] refuzoi takimin”.

Komenti i Musk pasoi raportet se Apple po punon për prodhimin e një makine elektrike me teknologji të përparuar të baterisë.

Në Twitter, Musk dhe të tjerët vunë në dyshim natyrën e teknologjisë, duke përfshirë atë që u referua në raporte si një bateri “monocell”:

Fakti që Musk iu ‘afrua’ Apple-s nuk është për t’u habitur. Në 2013-ën, duke kërkuar mundësi për të shpëtuar kompaninë mes problemeve me shitjet e hershme, Musk arriti një “marrëveshje shtrëngimi duarsh” për kompaninë Google të mikut të tij Larry Page për të blerë Tesla-n, sipas biografisë së 2015-ës të Elon Musk-it, shkruan “The Guardian”, përcjell albinfo.ch.