Ekonomitë familjare në Zvicër “peshojnë” 3400 miliardë franga

Pasuria e ekonomive familjare zvicerane gjatë vitit 2015 ka “peshuar” gjithsej 3400 miliardë franga, transmeton albinfo.ch. Gjatë kësaj kohe ajo është rritur për “vetëm” 54 miliardë në krahasim me një vit më parë

Keystone

Pasuria mesatare e ekonomive familjare në Zvicër gjatë vitit 2015 ka shënuar një rritje më të vogël në krahasim me atë që kishte pasur një vit më parë. Sipas një njoftimi që jep Banka Nacionale e Zvicrës (SNB), ky vendnumërim shpjegohet me faktin se kurset e bursave kanë pasur një stagnacion gjatë vitit të kaluar, shkruan sda.ch. Po ashtu edhe çmimet e patundshmërive gjatë vitit 2015 kanë përjetuar një rritje më të vogël se më parë.

Sidoqoftë, pasuria e ekonomive familjare zvicerane gjatë vitit 2015 ka “peshuar” gjithsej 3400  miliardë franga, transmeton albinfo.ch. Gjatë kësaj kohe ajo është rritur për “vetëm” 54 miliardë në krahasim me një vit më parë.

Por, sipas Bankës Nacionale të Zvicrës edhe borxhet e ekonomive familjare janë rritur në këtë periudhë. Ato tash kanë arritur në 820 miliardë franga gjegjësisht janë për 20 miliardë më të mëdha se në vitin 2014.