Lajme
Ekipi i dytë i klubit „Arbëria”, kampion në ligën e katërt të Vjenës
Federata e Shahut e Vjenës (https://www.chess-vienna.at/) mori vendimin lidhur me përfundimin e kampionatit të shahut për sezonin 2019/2020, duke shpallur edhe ekipin e dytë të klubit „Arbëria“ kampione në ligën e katërt të Vjenës (2. Klasse).
Për shkak të situatës së krijuar nga pandemia, nuk kishte kushte që të zhvillohej xhiroja e 9-të dhe e fundit për këtë sezon në këtë ligë.
„Ekipi i dytë i Arbërisë pas 8-të xhirove të zhvilluara ishte në vendin e dytë. Për t‘u shpallur kampion i nevojiteshin vetëm edhe 1,5 pikë nga 6 të mundshme, gjë që ishte më se e realizueshme“, thuhet në një kumtesë të klubit „Arbëria“, njofton Albinfo Austria.
Në lidhje me xhiron e mbetur, Federata e Shahut të Vjenës vendosi që të gjitha ndeshjet e mbetura të regjistrohen me rezultat të barabartë 3:3.
„Në këtë mënyrë, pas ekipit të parë të klubit të shahut Arbëria, i cili disa javë më parë u shpall kampion në ligën e dytë të Vjenës, edhe ekipi i dytë arriti të fitojë kampionatin në ligën përkatëse. Kështu që nga sezoni i ardhshëm të dy ekipet do të luajnë një rang më lartë, në ligën e parë të Vjenës (ekipi i parë) dhe në ligën e tretë (ekipi i dytë)“, bëhet e ditur në kumtesë.
Pas organizimit të turneut ndërkombëtar ‘‘Arbëria 1” në Vjenë në tetor të vitit të kaluar, e në të cilin morën pjesë 57 shahistë e shahiste nga 14 kombe të botës, klubi i parë shqiptar i shahut në diasporë po përmbyll kështu me sukses të shkëlqyeshëm këtë sezone sportiv.
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë