Integrimi
Egzon Zhuta, kandidat i liberalëve zviceranë për Parlamentin e Zvicrës
Politikanëve të rinj për zgjedhjet nacionale të Zvicrës i është shtuar edhe një emër shqiptar. Inxhinieri i ri, Egzon Zhuta, figuron në listën e 12 kandidatëve të Partisë Liberale, FDP, për kantonin St. Gallen që janë nominuar për deputetë nacionalë në kuadër të zgjedhjeve që do të mbahen në tetor të këtij viti.
Egzoni ka mbaruar studimet për inxhinieri në Shkollën e Lartë të Cyrihut ZHAW në Winterthur dhe me 26 vjet është aksionar i firmës së ndërtimtarisë „CDS-Bauingenieure“ në Heerbrugg. Në këtë firmë ai ka detyrën e inxhinierit që vizaton, planifikon dhe llogarit projekte ndërtimore.
Politikisht Egzoni është i angazhuar si president i të rinjve të Partisë Liberale të regjionit Rheintal.
Karriera politike e të riut me prejardhje nga fshati Veleshtë i komunës së Strugës ka nisur në moshën 22-vjeçare. „Menjëherë“, siç thotë ai, „pasi kam marrë nënshtetësinë zvicerane“.
Ndryshe, interesimi për politikë ka fillet qysh në fëmijëri, nga situata e rëndë politike e shqiptarëve në Maqedoni. Ndërkohë ndodhitë në Kosovë e Shqipëri kanë ndikuar që unë të filloj të interesohem për politikë, thotë Zhuta që iu ka bashkuar babait në Zvicër në vitin 1999, duke filluar si 9-vjeçar shkollimin në klasën e katërt në Balgach të Zvicrës lindore.
Temat kryesore që e preokupojnë kandidatin shqiptaro-zviceran janë migrimi, energjia dhe infrastruktura në komunikacion.
„Unë i njoh problemet e diasporës shqiptare këtu, pasiqë vetë jam njëri prej tyre, prandaj unë kërkoj votën e tyre“, shprehet ai.
Nëse zgjedhem deputet, unë do të angazhohem për një Zvicër të pavarur dhe liberale“, thotë ai për albinfo.ch.
Vlerat e FDP-së janë shumë të ngjashme me vlerat që ne i njohim në familjet shqiptare, kjo ështe arsyeja që unë kam zgjedhur këtë parti për t’u angazhuar politikisht, shprehet liberali Zhuta.
Të tjera nga Integrimi
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë