Efekti Brexit: Funti rritet ndaj euros dhe dollarit

Funti britanik fitoi terren përballë euros dhe dollarit pas kundërshtimit me shumicë të theksuar të votimit për Brexit nga deputetët britanikë dhe pas fjalimit të kryeministres, Theresa May.

Rreth orës 19:50 pasdite të së martës funti këmbehej me 89,11 peni për një euro kundrejt 89,57 peni pak para publikimit të rezultatit të votimit dhe kundrejt 89,15 peni të hënën në mbyllje, transmeton “ATSH”.

Përballë monedhës amerikane funti këmbehej 1,2787 dollarë kundrejt 1,2704 dollarë pak para rezultatit të votimit dhe 1,2864 dollarë të hënën në mbyllje, përcjell albinfo.ch.