Shqipëria

Edhe Shqipëria ndan 100 mijë euro për rindërtimin e Notre Dame

E mërkurë, 17 Prill 2019 - 15:40 albinfo.ch

EPA/JULIEN DE ROSA

Shqipëria solidarizohet me Francën, duke u bërë ndër kontributorët e parë financiarë për rindërtimin e katedrales së Notre Dame.

Qeveria shqiptare ka miratuar një fond prej 100 mijë eurosh.

Fondi i mbledhur deri më tani kap shifrën rreth 1 miliard euro. Vetëm në harkun e 24 orëve u mblodhën 700 milionë euro.

Franca synon ta rindërtojë brenda pesë vjetëve katedralen e Notre-Dame, të shkatërruar nga zjarri dy ditë më parë, shkruan oranews, përcjell albinfo.ch.

Presidenti francez, Emmanuel Macron, tha të martën se monumenti historik duhet të jetë gati për Lojërat Olimipike që vendi organizon në vitin 2024, megjithëse ekspertët druhen se restaurimi mund të zgjatë me dekada.