Edhe mediat zvicerane shkruajnë për shtëpinë e Rita Orës në Kosovë

(KEYSTONE/DPA/Lisa Ducret)

Këngëtarja Rita Ora u emërua kohët e fundit nga Sunday Times si artistja e re e nëntë më e pasur në Britani të Madhe. Tani ajo ka blerë një vilë familjare në Prishtinë.

Këngëtarja angleze-shqiptare Rita Ora, sipas 20 Minuten, u ka blerë prindërve të saj një shtëpi në kryeqytetin e Kosovës, Prishtinë.

Gjatë ditës së sotme, nëna e Rita Oras, Vera Ora, ka postuar një fotografi të vilës së lartpërmendur luksoze në Instagram.

Ajo shkruan: “Shtëpia është aty ku është zemra. Edhe pse ne jetojmë në Londër, është shumë e rëndësishme për ne që fëmijët tanë dhe gjeneratat e ardhshme të mund të vizitojnë shtëpinë tonë në Prishtinë”. Sipas The Sun, prona kushtonte rreth 2 milionë franga.