E reja shqiptare që studion dhe aktron në teatrin e Skocisë

Studentja shqiptare, Qëndresa Bajrami, jeton prej 4 vjetësh në Skoci, ku dhe studion në degën e “Aktrimit dhe performancës”, transmeton albinfo.ch.

Qëndresa është mjaft aktive me festivalet teatrore pjesë e grupeve rinore, ajo ka aktruar në teatro të ndryshëm në Skoci.

Po ashtu, së fundmi, artistja ka marrë dhe një ftesë nga BAFTA në Londër, ku ka prezantuar një film me metrazh të shkurtër. Bajrami ka rrëfyer në një intervistë eksperiencat e saj në Skoci dhe pse zgjodhi pikërisht qytetin e Glasgout për t’i hyrë rrugës së aktrimit.

Duhet theksuar se Qëndresa ështe një 21-vjecare me prejardhje nga Maqedonia e Veriut.

Ajo studion në degën e “Aktrim dhe performancë” dhe aktualisht është në vitin e diplomimit.

Qëndresa është gjithashtu pjesë e shoqatës “Merryhill Integration Network” që drejtohet nga Remzije Zeka Sherifi. /Albinfo.ch