Lajme
Dyshohet edhe në një mutacion i ri të variantit Omicron
Një burrë nga Afrika e Jugut, që doli pozitiv me variantin Omicron, u zbulua se ka një version gjenetikisht ndryshe të virusit.
Australia ka raportuar një version të ri të variantit Omicron të koronavirusit, vetëm pak javë pasi varianti i ri u zbulua në Afrikën Jugore.
Një burrë nga Afrika e Jugut, që doli pozitiv me variantin Omicron, u zbulua se ka një version gjenetikisht ndryshe të virusit. Ai tash për tash është duke qëndruar i izoluar në një hotel të shndërruar në qendër karantinimi në qytetin Brisbane.
Ministrja rajonale e Shëndetësisë e rajonit Queensland, Yvette D’Ath, konfirmoi se ky rast nënkupton që varianti Omicron tani ka dy vija të prejardhjes, të klasifikuara nga komuniteti ndërkombëtar.
Mutacioni i ri i variantit Omicron nuk e ka njërën nga gjenet që përdoren për ta identifikuar variantin, thotë Organizata Botërore e Shëndetësisë. Kjo nënkupton se mënyra e shpejtë për ta identifikuar atë mund të mos jetë më e qasshme për t’u përdorur, shkruan Express UK.
Peter Collignon, mikrobiolog në Universitetin Kombëtar të Australisë, i tha gazetës “The Guardian”: “Nëse gjenet janë fshirë dhe nëse ka një vijë të re të prejardhjes, ku gjeni nuk është fshirë, mund të mos mendoni se është Omicron, kur në të vërtetë është”.
Ai shtoi se nën-vija e re e prejardhjes nuk paraqet variant të ri, sepse nuk është mjaftueshëm ndryshe sa i përket strukturës gjenetike. “Nuk mendoj se mund ta quani variant të ri”, tha Collignon.
Më 26 nëntor, Organizata Botërore e Shëndetësisë e shpalli variant shqetësues variantin Omicron, që fillimisht u vërejt në Afrikën Jugore. Prej asaj date, varianti është regjistruar në shumë shtete.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?