Kosova
Dënohet me 7 vjet dëbim, kikboksieri kosovar apelon në Gjykatën Federale
Gjykata kantonale e Lucernit nuk e sheh si "rast të rëndë" rastin e kikboksierit kosovar. Prandaj ajo ka vendosur që ai të largohet nga vendi për shtatë vjet
Tashmë është e qartë: kikboksieri i dënuar për sulm, dhunë dhe kërcënime ndaj autoriteteve dhe zyrtarëve, do ta vazhdojë luftën për të qëndruar në Zvicër.
Përpjekja e avokatit të kosovarit që klienti i tij të akuzohej për veprën penale “lëndim të thjeshtë trupor” ka dështuar, transmeton albinfo.ch. Nëse nuk do të dështonte, do të nënkuptonte se dëbimi i tij do të hiqej nga rendi i ditës.
Por shkalla e dytë e sheh gjithashtu si dëmtim të rëndë fizik atë që kishte ndodhur para një klubi të Lucernit në mars të vitit 2017.
Videoja tregon qartë të dyshuarin në veprim, shkruan luzernerzeitung.ch. Gjykatësi ka deklaruar se “një njeri me përvojë në artet marciale dinte qartë se çfarë pasojash mund të kishin goditjet e tij me shqelma dhe grushta”.
Vendimi i Gjykatës Kantonale është ky: 19 muaj burgim me kusht dhe shtatë vjet dëbim nga Zvicra. Sa i përket dëbimit, shkalla e dytë (gjykata kantonale) është tre vjet nën kërkesën e gjykatës penale, e cila kishte vendosur për 10 vjet dëbim.
I dënuari duhet të dëbohet, sepse lëndimi i rëndë trupor që ka shkaktuar ai është akt që bën pjesë në “katalog” (lista e dënimeve për të cilat parashihet masa siguruese e dëbimit nga vendi).
Në një rast të tillë, për vepra të caktuara penale, pavarësisht nga lartësia e dënimit, automatikisht aktivizohet dëbimi nga vendi.
Dhe, kjo e godet rëndë të akuzuarin. Ai ka ardhur në Zvicër në vitin 1997 në moshën katërvjeçare, ka ndjekur shkollimin dhe ka bërë aftësimin profesional po ashtu në Zvicër, që do të thotë se konsiderohej si i integruar mirë këtu.
Megjithatë, sipas gjyqtarëve, ai nuk paraqet “rast të rëndë”, që kjo t`i shërbente si rrethanë lehtësuese, përcjell albinfo.ch. Sipas tyre, 29-vjeçari mund të fitojë lehtësisht terren në Kosovë si në aspektin social, ashtu edhe në atë profesional.
Ndërkaq, i akuzuari e sheh ndryshe gjithë këtë. Ai vazhdon të luftojë për të qëndruar në Zvicër dhe për këtë arsye e ka kundërshtuar aktgjykimin, duke bërë ankesë në Gjykatën Supreme Federale.
Të ngjashme
Të tjera nga Kosova
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë