Lajme
Dënim për ata që përhapën lajme të rreme për koronavirusin
Gjykatat kineze kanë marrë në dorë situatën e krijuar nga epidemia e koronavirusit, duke përcaktuar masa të ashpra ndaj atyre që përhapin lajme të rreme, por jo vetëm.
Kështu Gjykata e Lartë e Heilongjiang ka parashikuar deri në 15 vjet burgim për ata që përhapin “lajme të rreme” për epideminë , dënim me vdekje për ata që përhapën qëllimisht koronavirusin dhe deri në 7 vjet burgim për ata që refuzojnë karantinën.
Sipas South Morning Post, megjithatë nuk është ende e qartë se çfarë nënkuptohet me “përhapjen me qëllim të virusit”. Gjykata e Lartë e Pekinit, megjithatë, ka garantuar se do të luftojë trafikimin e drogave të falsifikuara.
Ndërkohë në Kinë, numri dy i Kryqit të Kuq Hubei, Zhang Qin, është pushuar nga puna për pakujdesi në lidhje me menaxhimin e pacientëve gjatë emergjencës së koronavirusit.
Qin, së bashku me dy drejtues të tjerë Chen Bo dhe Gao Qin, dyshohet se keqmenaxhuan shpërndarjen e fondeve dhe materialeve për të frenuar epideminë.
Ata gjithashtu akuzohen për shpërndarjen e informacionit të pasaktë.
Pekini urdhëroi linjat ajrore që të mos ndërpresin fluturimet drejt vendeve të huaja që nuk kanë mbyllur kufijtë për udhëtarët kinezë.
“Për t’iu përgjigjur nevojave të udhëtarëve brenda dhe jashtë vendit, dhe për të siguruar furnizime në këtë periudhë të veçantë, administrata u kërkon linjave ajrore të garantojnë vazhdimësinë e transportit në vendet që nuk kanë vendosur kufizime të udhëtimit”.
Kina gjithashtu e bëri të ditur se Shtetet e Bashkuara “kanë shprehur vazhdimisht gatishmërinë e saj për të ofruar ndihmë.”
Dhe, si rezultat, “shpresojmë se një ndihmë e tillë do të materializohet së shpejti”, tha zëdhënësja e Ministrisë së Jashtme, Hua Chunying, gjatë një konference për mediat.
E njëjta zëdhënëse foli edhe për rolin e Italisë dhe si reagoi ndaj urgjencës. “Ne kemi vërejtur reagimin e Italisë për këtë shpërthim, shkruan lajmi.net, përcjell albinfo.ch.
“Shpresojmë që pala italiane të bëjë një vlerësim objektiv, të drejtë, të qetë dhe racional të epidemisë dhe do të kuptojë dhe mbështesë përpjekjet e qeverisë kineze për ta kontrolluar atë. Masat përkatëse që do të merren duhet të jenë në përputhje me rekomandimet e OBSH-së, të mos tejkalojnë nivelet e arsyeshme, duke shmangur ndikimin në shkëmbimet normale të personelit”.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit