Demhasaj, futbollisti i radhës nga Zvicra që i bashkohet Kosovës

Shkëlqim Demhasaj i është bashkuar Kosovës, pas lëndimit të Bersant Celinës

Futbollistët shqiptarë në Zvicër gjithnjë e më shumë po zgjedhin ta përfaqësojnë Kosovën.

Për dy ndeshjet e nëntorit për herë të parë u grumbulluan Arijanet Muriqi dhe Mirlind Kryeziu, të dy të lindur në Zvicër.

Por, për shkak të lëndimit të Bersant Celinës, është ftuar edhe sulmuesi Shkëlqim Demhasaj, shkruan albinfo.ch.

Demhasaj është vetëm 22-vjeçar dhe luan në Luzern. Ai është paraqitur edhe për Zvicrën U-20 dhe U-21, derisa tani ka vendosur të përfaqësojë Kosovën, duke iu bashkuar shumë futbollistë shqiptarë nga Zvicra që luajnë për Kosovën si Benjamin Kololli apo edhe Hekuran Kryeziu.

Në këtë sezon ka luajtur nëntë ndeshje në Superligën e Zvicrës, duke shënuar dy gola, derisa në përgjithësi ka 14 ndeshje e gjashtë gola.

Shkëlqimi ka lindur në Schaffhausen, kurse prindërit e tij janë nga Kosova.

---