Del Ponte “qëron hesapet” me Calmy Rey

E pyetur nëse ajo me ministren kanë gjetur pastaj gjuhë të përbashkët, ajo është përgjigjur: "Jo, ka qenë tepër vonë për një gjë të tillë

Pas tërheqjes së presidentes Calmy Rey nga posti, ish kryeprokurorja e Hagës, Carla del Ponte ka gjetur rastin të “qërojë hesapet” me të. Ajo ka folur me tone kritike ndaj gruas që, si ministre e jashtme ishte shefe e saj derisa del Ponte punonte si ambasadore e Zvicrës në Argjentinë.

Në një intervistë për gazetën gjermane “Zeit” ajo thotë se së pari ka qenë ministri i atëhershëm Blocher që është ankuar, në vitin 2007 për faktin se “Carla Del Ponte kushton së tepër mi në Hagë”.

Më vonë, ministrja e punëve të jashtme, Micheline Calmy Rey e kishte dërguar ambasadore në Argjentinën e largët. “Këtë e ka bërë për të më hequr qafe”, është e bindur Del Ponte.

Por, vazhdon ajo, nga kjo “heqje qafe” ka përfituar vetë amsadorja. “Ka qenë një përvojë e re. Ajo që më mungonte, ka qenë më e rëndësishmja, liria për të thënë atë që mendoja”.

Del Ponte ka shtuar se me Micheline calmy-Rey nuk është kuptuar kurrë ashtu si duhet. “Ministrja Calmy-rey dëshironte të më mbante sa më larg. Por unë i jam mirënjohëse. Sepse, Argjentina është një vend i bukur, i largët”.

E pyetur nëse ajo me ministren kanë gjetur pastaj gjuhë të përbashkët, ajo është përgjigjur: “Jo, ka qenë tepër vonë për një gjë të tillë”.