Lajme
CVP nominon Franklin Munishin për kreun e bordit të shkollave në Wil
Ndër 20 kandidatët për parlament janë edhe katër me prejardhje shqiptare: Prend Berisha, Sofije Krejci-Lutiq, Valentina Munishi dhe Ardijan Rrudhani
Udhëheqja partiake e CVP të qytetit Wil ka përfunduar nominimet për zgjedhjet parlamentare në nivel komune që do të bëhen më 27 shtator 2020. Ajo me këtë rast ka prezantuar kandidatët për këshillin e qytetit, (ekzekutivin), bordin e shkollave dhe parlamentin ose asamblenë e qytetit, shkruajnë hallowil.ch. dhe wilernachrichten.ch.
Përveç 20 kandidatëve për parlamentin e qytetit, CVP ka nominuar edhe anëtarët e saj për postet më të larta: Hans Mäder për kryetar të qytetit, Beat Gisler për anëtar të ekzekutivit dhe presidenti i partisë në nivel qyteti, Franklin Munishi për këshillin e shkollave.
Munishi, punon si shef i kontabilitetit në Cyrih, kryeson degën e CVP-së në Wil dhe është po ashtu asamblist në këtë komunë, shkruan albinfo.ch. I pyetur nga hallowil.ch për arsyen e kandidimit të tij pikërisht për postin e kreut të këshillit të shkollave, ai thotë: “Arsyeja kryesore përse unë dua të jem në krye të këtij bordi është se jam baba i katër fëmijëve që ndjekin shkolla të ndryshme në qytetin Wil, nga klasa e dytë deri në shkollë të mesme”.
Ai po ashtu është i bindur se mund të sjellë një perspektivë të re në sistemin shkollor dhe kështu të përfaqësojë mirë çështjet e shkollës.
Bordi i CVP Wil garon në zgjedhjet parlamentare me një listë të plotë, prej 20 kandidatësh. Përveç tetë kandidatëve të mëparshëm, CVP prezanton një listë të ekuilibruar të kandidatëve, përcjell albinfo.ch. Me 6 gra dhe 14 burra, duke përfshirë anëtarë të angazhuar të CVP të rinj, kjo parti synon ruajtjen e të paktën nëntë vendeve që ka aktualisht në asamble.
Përveç Munishit që garon për postin e përmendur, ndër 20 kandidatët për parlament janë edhe katër me prejardhje shqiptare. Ata janë: Prend Berisha (aktualisht asamblist), Sofije Krejci-Lutiq, Valentina Munishi dhe Ardijan Rrudhani.
Të ngjashme
Të tjera nga Lajme
E-Diaspora
-
Pianistja shqiptare mban koncert recital në Washington DC Bëhet e ditur se pianistja kosovare, Ardita Statovci, do të prezantohet me koncert recital në Washingtom...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja